അത്യാവശ്യം നല്ല
ഷോക്ക് അടിപ്പിച്ചിട്ടും
മാറാത്ത ഒരു ഭ്രാന്ത്.
#feeling dumbed
ഭ്രാന്തിന്റെ ഇടവേളകൾ
ആകുന്നു പ്രണയങ്ങൾ..
ഒരു വലിയ നഗരത്തിൽ
ഇടയ്ക്കിടെ അപകടത്തിൽ
പെട്ട് പോകുന്ന കാറുകൾ പോലെ.
ഒരു കാറു പോലെ ആകുന്നു
ഭ്രാന്തുകൾ.
ഫുൾ ടാങ്ക് എണ്ണ
തീരുന്നിടത്ത് വഴി
ബാക്കിയാക്കി ഒറ്റപെട്ട്
പോകുന്ന കാറുകൾ പോലെ.
ഉപേക്ഷിക്കപെട്ട കാറുകൾക്ക്
എത്ര ഭ്രാന്തുകളുടെ
എത്ര പ്രണയങ്ങളുടെ
ഓർമകൾ ഉണ്ടാവും..!
ഒരു അടയാളവും നല്കനാവാതെ
ഏതെങ്കിലും ഒരു
റിക്കവറി വാൻ അവരെ
കണ്ടെടുക്കുന്നത് വരെ
ഒളിച്ചിരിക്കാൻ
നിശബ്ദമായി
ഒന്നു തുരുമ്പിക്കുവാൻ
കാറ്റു ബലം ഒഴിച്ചുവിട്ട്
ഒന്നു മണ്ണിനെ ചുംബിക്കുവാൻ
അത്രയേ വേണ്ടിയിരുന്നുള്ളൂ.
കണ്ടെടുക്കപെട്ട് ,
അടുക്കി വെച്ചവരെ
നോക്കി ഉരുക്ക് ശാലകൾ
പുഞ്ചിരിക്കുന്നതിനെക്കാൾ
വലിയ സ്ഥിരത
ഇനി ഒരു ലോകത്തും
ഉണ്ടാകാൻ ഇടയില്ല
അത്യാവശ്യം നല്ല
ഷോക്ക് അടിപ്പിച്ചിട്ടും
മാറാത്ത ഒരു ഭ്രാന്ത് .
#feeling dumbed
